Жуалы ауданы Б.Момышұлы ауылында Ұлттық кәсіпкерлер палатасының бастамасымен кәсіпкерлікті қолдау орталығы ашылды. Мекеме «бір терезе» қағидасы бойынша жұмыс істейді. Онда кәсіпкерлерге заңгерлік, бухгал-терлік, маркетингтік, кеден ісі, салық, ІТ және менеджмент салалары бойынша кеңестер беріліп, бизнес-жоспарлар жасауға, мемлекеттік органдардан қажетті құжаттар, шағын несие ұйымдары арқылы қаржы алуға қолдау көрсетілетін болады. Орталық ҚР Ұлттық экономика министрлігі және «Даму» кәсіпкерлікті қолдау қорымен бірлесіп ашылды. -Аудан орталығында Кәсіпкерлікті қолдау орталығының ашылуы – облысымызда шағын және орта бизнес саласын дамытуға мол мүмкіндіктер жасалып жатқандығының бір көрінісі,- деді Жамбыл облыстық кәсіпкерлер палатасының директоры Асан Қошмамбетов өз сөзінде. Биылғы жылы мұндай орталықтарды облыстың барлық аудандарында ашу жоспарланып отыр.

«Ақ жол-Ақпарат».