Шығыс халықтары тойлайтын осынау мерекені жабық мекемедегі жазасын өтеушілер де атап өтуде. Дәлірек айтқанда, Жамбыл облысы бойынша Қылмыстық-атқару жүйесі департаментіне бағынысты №26 мекемесінде сотты болған азаматтар арасында мерекеге орай шығармашылық жарыс ұйымдастырылып, арнайы контингент өкілдері бояу арқылы өмірдің арайлы сәттерін бейнелеуге күш салды. Олар өз туындыларында бағалай білген жанға бес күндік жалғанның әр сәті қайталанбас қуаныш екенін паш етуге тырысқан.

 

– Бүгін мекемеде ұлттық құндылықтарымызды бейнелейтін «Көрісу күні — Амал мерекесі» атап өтілді. Бұл мерекеде жазасын өтеушілер бейнеқоңырау арқылы туған-туысымен бір-бірімен көрісіп, жылы лебіздерін білдіріп, байланыстарын тағы да нығайтты. «Көрісу күні — Амал мерекесі» баршамызға ынтымақтың, мейірімділіктің және бірліктің маңызын тағы бір рет еске салды, – делінген ақпаратта.

 Сабыр БОЛАТ