Іс-шараның мақсаты – оқушылардың құқықтық сауаттылығын арттыру, заңды құрметтеуге тәрбиелеу және өмірлік жағдаяттарда дұрыс шешім қабылдай білу дағдыларын қалыптастыру.

Квест ойыны барысында қатысушылар командалық жұмыс жасап, құқықтық тапсырмаларды орындап, өз білімдері мен белсенділіктерін көрсетті.

Сананы сергітуге арналған логикалық ойынның қорытындысы бойынша Жиенбет негізгі мектебі жүлделі I орынды иеленсе, Ә.Молдағұлова атындағы мектеп II орынға тұрақтады, ал жүлделі III орынды Мойынқұм орта мектебі еншіледі. Ойын соңында барлық қатысушы оқушылар марапат қағаздары мен сыйлықтарға ие болды.

Айта кетейік, мұндай мазмұнды іс-шаралар оқушылардың құқықтық мәдениетін қалыптастырып, азаматтық жауапкершілігін арттырады.