Азаттықтың ақ таңы – елдіктің нұрлы шуағы. Осынау таңда шапағат, мейірім, жылылық бар. Еркіндігің – ырысың, егемендігің – тынысың. Бабалардың даналығымен, аға-әпкелердің ерлігімен келген Тәуелсіздіктің мәні бөлек, маңызы жоғары. Бұл күннің жас ұрпаққа, келешек буынға берер тағылымы орасан. Қайсар рухты, өр намысты қазақ халқының биігі аласармайтыны, тұғыры төмендемейтіні анық. Тәуелсіздік – баға жетпес асыл құндылық.
16 желтоқсан – Тәуелсіздік күні мерекесіне орай Тараз қаласындағы «Тәуелсіз Қазақстан» монументіне гүл шоқтарын қою рәсімі ұйымдастырылды. Алғаш болып облыс әкімі Ербол Қарашөкеев, облыстық ардагерлер кеңе сінің төрағасы Еркінбек Солтыбаев бастаған азаматтар гүл шоқтарын қойып, тағзым жасады.
Мұнан соң рәсімді «Оңтүстік» өңірлік әскери Қолбасшылығының сардарлары, Аmanat партиясы облыстық филиалы өкілдері, өзге де қоғамдық-саяси ұйымның жетекшілері, облыстық, Тараз қалалық мәслихаттың депутаттары, студент жастар мен Тараз қаласының тұрғындары жалғастырды.
Бұл іс-шараның да маңызыбар. Құндылықтарды қастерлеу басты парыз десек, жас ұрпаққа патриоттық тәрбие беруде де мұндай жиынның мәні жоғары екені анық. Тәуелсіз елімнің әр таңы арайлы, жүрер жолы даңғыл болғай!
Есет ДОСАЛЫ
Ұқсас жаңалықтар
