Облыс әкімдігінің мәжіліс залында Қазақстан Республикасы Мемлекеттік қызмет істері агенттігі облыс бойынша департаментінің ұйымдастыруымен Әдеп жөніндегі кеңестің отырысы өтті. Кеңес барысында күн тәртібіндегі екі тәртіптік іс пен бес профилактикалық мәселе жан-жақты қаралды.
Жиында облыстық тексеру комиссиясының 2024 жылы және 2025 жылдың өткен кезеңінде атқарған жұмыстары туралы есептері тыңдалды. Сонымен қатар санитариялық-эпидемиологиялық бақылау департаментінің мемлекеттік көрсетілетін қызметтер туралы заңнаманың сақталуына байланысты қашықтықтан жүргізілген тексеру қорытындылары баяндалды.
Мемлекеттік мүлік және жекешелендіру департаментінің Әдеп жөніндегі уәкілінің, сондай-ақ Мойынқұм ауданы әкімдігі аппаратының Әдеп жөніндегі уәкілінің 2024-2025 жылдар аралығында атқарылған жұмыстарының нәтижелері талқыланды. Бұған қоса облыстық мемлекеттік органдардың тәртіптік комиссияларының 2025 жылдың ІІІ тоқсанында орындаған жұмыстарына жасалған талдау ұсынылды.
Кеңес мүшелері профилактикалық бағыттағы мәселелерді қарап, мемлекеттік қызметшілердің әдеп нормаларын сақтауын күшейтуге бағытталған тиісті ұсынымдар қабылдады.
Мақпал СҮЙІНБАЙ
Ұқсас жаңалықтар
