Еліміздегі биылғы жылғы «Жоғары оқу орнының үздік оқытушысы» атағына лайықтылардың есімдері анықталды. Техникалық, педагогикалық, медициналық, ауыл шаруашылығы, экономикалық, құқықтық ғылымдар салалары бойынша жеңімпаз атанып, арнайы грантты иеленгендер қатарында М. Х. Дулати атындағы Тараз мемлекеттік университетінің де үш бірдей оқытушысы бар. Олар – «Экономика және бизнес» факультеті «Қаржы» кафедрасының меңгерушісі, экономика ғылымдарының докторы Серік Тәжібаев, «Гуманитарлық-әлеуметтік ғылымдар» факультеті «Психология және педагогика» кафедрасының профессоры, педагогика ғылымдарының докторы Жанат Сарыбекова және «Су шаруашылығы, экологоия және құрылыс» факультеті «Құрылыс материалдары және конструкциялар профессоры, техника ғылымдарының докторы Аймахамбет Сағындықов. Осынау мәртебелі атақты иелену мақтаныш сезімін ғана туындатып қоймайды, оқытушыларға заманауи талаптар үдесінен шыға алуды да міндеттейді. Үздік оқытушыларға берілген грант олардың алдағы уақытта әлемнің жетекші университеттерінде тағылымдамадан өтіп, өздерінің ғылыми және білім беру жобаларын іске асыруына да мүмкіндік бермек.
«Ақ жол-Ақпарат».
Ұқсас жаңалықтар
Ертеңін ойлаған ел білім мен тәрбиеге ден қояды
- 12 қыркүйек, 2024
Жайлы мектептердің құрылыс барысын тексерді
- 10 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді