Дегенмен өнімнің түсімділігі былтырғымен салыстырғанда төмендеу. Орта есеппен гектарына шаққандағы өнімділігі, төмені 4,8, жоғарғысы 12,9 центнерден айналуда. Ал егін орағына барлығы 490 комбайн және мыңға жуық жүк көліктері мен ауыл шаруашылығы техникасы тартылған. Сырттан егін жинау науқанына 50 комбайн келген. Комбайндардың басым бөлігі Байзақ, Жамбыл мен Меркі аудандарына тиесілі, ал Тараз қаласында 3, Мойынқұм ауданында 1 ғана комбайн орақ науқанына араласқан.

Облыс әкімдігі ауыл шаруашылығы басқармасының басшысы Қайрат Көшеновтың айтуынша, биыл облыс көлемінде 640 мың гектар алқапқа ауыл ш а р у а ш ы л ы ғ ы д а қ ы л д а р ы орналастырылған. Өткен жылмен салыстырғанда егістік көлемі 33,2 мың гектарға ұлғайған. Жалпы көктемгі дала жұмыстары барысында дәнді және дәнді бұршақты дақылдар – 361,9, майлы дақылдар – 38,1, бақша дақылдары – 12,7, картоп – 8,3, көкөніс – 31,1, мал азықтық дақылдар 181,3 мың гектар алқапқа орналастырылған. Бүгінгі күні картоптың 1,6 мың гектары қазылып, 35,5 мың тонна өнім алынған. Көкөністің 6,8 мың гектарынан 192,3 мың тонна, майлы дақылдардың 2,5 мың гектарынан 1,7 мың тонна, бақша дақылдарының 8,8 мың гектарынан 245,2 мың тонна өнім алынып отыр.

Өнімділіктің жоғары болуына тікелей әсер ететін минералды тыңайтқыштарды егіс алқаптарына сіңірілу жұмыстары тұрақты бақылауға алынған. Биыл облыс көлемінде 498,5 мың гектар алқапқа 99,6 мың тонна минералды тыңайтқыштарды ендіру жоспарланса, шаруалар тарапынан 60,4 мың тоннаға келісімшарт жасалынып, 54,3 мың тоннасы таратылып, сіңірілген.

– Жалпы биыл облыс бойынша 3 , 8 миллионға жуық ауыл шаруашылығы өнімін алу жоспарлануда. Сондай-ақ 2025-2026 жылдардағы мал қыстату маусымына мал азығын дайындау барысы тұрақты бақылауда. Есептік кезеңде мал азығын жинауға белгіленген 305,9 мың гектар алқаптың 269,2 мың гектары орылып, 1,6 миллион тонна пішен, 100,6 мың тонна пішендеме және 373 мың тонна сабан дайындалды. Ал биылғы ауа райының құрғақшылығына қарамастан, вегетациялық кезең қатаң түрде арнайы ке стеге сәйкес жүргізілуде. Бүгінгі күні «Қазсушардың» облыстық филиалы мен шаруа қожалықтары арасында 570 миллион текше метр суға 3888 шарт жасалып, шаруаларға 370 миллион текше метр су жеткізілген. Облыс бойынша бақша дақылдары да толық ағын сумен қамтылған. Қазіргі таңда бақша дақылдары жиналуда. Ал көпжылдық шөптер кем дегенде екі реттен суарылып, үш рет орылды. Бүгінде қант қызылшасы, майлы дақылдар мен көкөніс дақылдарына су жеткізу жұмыстары жалғасуда, – дейді басқарма басшысы.

Ал егін орағына келсек, оны басқарма агроқұрылымдардың күшімен алдағы аптада аяқтауды көздеп отыр. Егін орағы науқанына араласып жүрген комбайндардың күндік нормасы 12 гектар болса, күніне орта есеппен 1169 гектар алқаптың дәні жиналады. Бұл қарқынмен қалған 40 мыңнан аса гектарды бір-екі аптада аяқтап, басқа дақылдарды жинауға ауыспақ ниетте.

Марат Құлибаев