Жамбыл көлік прокуратурасының үйлестіруімен Қырғыз Республикасы азаматы мұнай өнімдерін ірі көлемде заңсыз тасымалдағаны, сатып алғаны және сақтағаны үшін, олардың заңды шығу тегін растайтын құжаттарсыз кінәлі деп танылды.
Мемлекеттік айыптаушы сотта оның заңсыз материалдық пайда табу мақсатында АИ-80 маркалы 100,3 тонна бензинді сатып алып, сақтап, тасымалдағанын дәлелдеді. Меркі аудандық соты оған 1 500 айлық есептік көрсеткіш (5 538 000 теңге) мөлшерінде айыппұл түрінде жаза тағайындады. Қазіргі таңда, 5 538 000 теңге мөлшеріндегі айыппұл толық төленіп, бензин мемлекет кірісіне тәркіленді. Үкім заңды күшіне енді.
Ульфат ТОКТАЕВА,
Жамбыл көлік прокуратурасының прокуроры.
Ұқсас жаңалықтар
