Жамбыл облысы әкімдігінің жолаушылар көлігі және автомобиль жолдары басқармасы 2025 жылғы 13 маусымда, жергілікті сағат 15:00-де Тараз қаласы, Желтоқсан көшесі, №78 үй, 5-қабат, 512-кабинет мекенжайы бойынша жолаушылар мен багажды автомобильмен ауданаралық (облысішілік) тұрақты тасымалдау маршруттарына қызмет көрсету құқығына арналған конкурсты өткізу туралы хабарлайды.

Конкурсқа мынадай маршруттың пакеті (маршруттар) шығарылады: № 1 лот «Жаңатас қаласы (Сарысу ауданы) – Тараз қаласы».

Конкурста меншік нысанына қарамастан, меншік құқығында немесе өзге де заңды негіздерде автокөлік құралдары бар кез келген жеке және заңды тұлғалар қатыса алады. Конкурсқа қатысуға тілек білдірушілер Жамбыл облысы әкімдігінің жолаушылар көлігі және автомобиль жолдары басқармасына конкурстық құжаттардың жиынтығын алуға жазбаша өтінімді Тараз қаласы, Желтоқсан көшесі, №78 үй, 5-қабат, 512-кабинет мекенжайы бойынша ұсынуы тиіс.

Конкурстық құжаттарды алуға өтінімдерді қабылдаудың және конкурсқа қатысуға өтінімдерді қабылдаудың соңғы мерзімі:

2025 жылдың 30 мамыры сағат 12:00-ге дейін. 2025 жылдың 12 мамыры сағат 16:00-де конкурстық комиссия конкурс өткізу мәселелері жөнінде конкурс алдындағы конференцияны өткізеді.

Анықтама алу үшін телефоны: 8 (7262) 43-06-85.