М. Әуезов атындағы №33 орта мектепте «Шежіре – ұлттың тарихи жадысы» атты іс-шара өтті. Жеті атасын жатқа айтып, ата-баба аруағына Құран бағыштауды игі дәстүрге айналдырған халқымыз ықылым заманнан-ақ баласының ата-тегін, ел-жұртын танып өсуіне ерекше көңіл бөлген.
Іс-шара барысында «Белсенді ұзақ өмір» орталығының ардагерлері білім ордасына арнайы келіп, жас ұрпаққа шежіре туралы кеңінен мағлұмат берді. Жиынның ашыл у салтанатында сөз сөйлеген мектеп директоры Айнұр Ботамқұлова қазіргі жас ұрпақтың бойына ұлттық құндылықтарды сіңіруде мұндай іс-шаралардың маңызды екеніне атап өтті. Шығармашылық апталықтың он күндігіне орай өткен кездесуде тақырыпқа сай слайдтар көрсетілді. Келесі кезекте сөз алған «Белсенді ұзақ өмір орталығының» ардагері Аманқұл Искаков шежірені, ел-жұрт тарихын білу–ер азаматты ерлікке, отансүйгіштікке баулитындығын, бабаларымыздың жасаған ерлігі мен өнегелі істері жас ұрпаққа үлкен мотивация болатындығына ерекше тоқталды. Қос буынның ке зде суінде орталықтың Г. Абдихалықова, К. Ахметова, С. Қаржаубай, А. Смайлов, Л. Необъявляющий мен Г. Ақылова сынды өнерлі ардагерлер ән-жырдан шашу шашып, жиналғандарға көтеріңкі көңіл-күй сыйлады. Іс-шара соңы ардагерлер мен оқушылардың мерекелік концертіне ұласты.
Сымбат НҰРМАНОВА,
М.Әуезов атындағы №33 орта мектебі музыка пәнінің мұғалімі.
Ұқсас жаңалықтар
