Жуалы жеріндегі Наурыз мерекесі орталық алаңда театрландырылған көрініспен басталып, айтулы мейрамның мән-маңызын аша түсетін салт-дәстүрлер мен халықтық рәсімдер көпшіліктің назарына ұсынылды.
Мереке үстінде 100 баланың тұсауы кесілді. Тұсаукесер рәсімін Жуалы ауданының әкімі Жалғас Мұртаза бастаған ел ағалары салтанатты жағдайда жүргізді. Рәсімнен кейін ауданның Құрметті азаматы Сейітқазы Медетбек қажы бүлдіршіндер мен жалпы жұртшылыққа ақ батасын берді. «Батамен ер көгереді» демекші, бұл да Наурыз мерекесінің тағылымға толы көрінісі болғаны анық.
Есет ДОСАЛЫ.
Жуалы ауданы
Ұқсас жаңалықтар
