«Газет – халықтың көзі, құлағы һәм тілі. Адамға көз, құлақ, тіл қандай керек болса, халыққа газет сондай керек»
Ахмет Байтұрсынов

Тұрғындар мәселесі қараусыз қалмайды

Тұрғындар мәселесі қараусыз қалмайды
Ашық дереккөз
«Халық үніне құлақ асатын мемлекет» тұжырымдамасы аясында облыс әкімі Ербол Қарашөкеев азаматтарды кезекті рет жеке қабылдады.

Бұл жолы 9 тұрғынның тарапынан жұмыспен қамту және әлеуметтік бағдарламалар, тұрғын-үй коммуналдық шаруашылық, жер қатынастары, құрылыс, кәсіпкерлік, туризм салаларына қатысты ұсыныс- пікірлер айтылды.

Өз кезегінде Ербол Қарашөкеев халық көтерген түйткілдер қараусыз қалмайтынын айтып, мәселелерді шешімін тапқанша өз бақылауында ұстайтынын атап өтті.

Келіп түскен өтініштерді жан-жақты зерделеу бойынша Тараз қаласы мен аудан әкімдеріне, басқарма басшыларына бірқатар тапсырма жүктелді.

Еске сала кетейік, облыс әкімінің азаматтарды жеке мәселелері бойынша қабылдауы алдын ала жазылу арқылы тұрақты негізде жүргізіледі. Ол үшін тұрғындар «E-Otinish» ақпараттық жүйесі арқылы немесе Тараз қаласы Абай даңғылы, 127 мекенжайында орналасқан «Азаматтарды қабылдау» орталығына келіп жазыла алады.

 

Облыс әкімінің баспасөз қызметі.

Ұқсас жаңалықтар