Қабылдауға жазылған 16 тұрғын ерекше қажеттіліктері бар адамдарға әлеуметтік көмек көрсету, тұрғын үй бағдарламалары, суармалы жерлерді ұлғайту мәселелерін көтерді.

Аймақ басшысы келіп түскен сауалдарға толық және нақты жауаптар берді. Өтініш иелеріне қолданыстағы заңнаманың нормалары түсіндірілді.

Қабылдау қорытындысы бойынша облыс әкімі азаматтардың мәселелерін жіті зерделеудің маңыздылығына тоқталып, тиісті тапсырмалар берді.

Қосымша уақытты қажет ететін түйткілдерді аймақ басшысы жеке бақылауына алды.

Еске сала кетейік, «Халық үніне құлақ асатын мемлекет» тұжырымдамасы аясында азаматтарды жеке мәселелері бойынша қабылдау алдын ала жазылу бойынша тұрақты негізде жүзеге асырылады.

Облыс әкімінің баспасөз қызметі.