Мемлекет басшысы Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауында бюджет қаржысын үнеммен пайдалану керектігін тапсырған болатын. Президент тапсырған мәселе Amanat партиясы, аудит пен тексеру комиссиялары тарапынан бақылауға алынған. Облыс бойынша тексеру комиссиясының кезекті отырысы өтіп, онда екі мәселе қаралды. Жиынды тексеру комиссиясы төрағасының міндетін атқарушы Бағлан Дүрімбетов ашып, жүргізді.
– Президентіміз биылғы Жолдауында бюджет қаржысының тиімді игерілуіне баса мән берді. Ақша-несие саясаты мен фискалды саясаттың арасындағы үйлесімсіздікті жою қажеттігін тапсырды. Сондай-ақ, мемлекет қаржысының тұрақтылығын қамтамасыз етудің бірден бір жолы – көрпеге қарай көсілу керек екенін айтты. Бүгінгі күні бюджет қаржысының мақсатты – игерілуін бақылау мақсатында «Aulieata-Media» жауапкершілігі шектеулі серіктестігі, облыстық жастар ресурстық орталығы және «Қоғамдық келісім» коммуналдық мемлекеттік мекемесіне тексеру жүргізілді, – деді.
Ал, облыс бойынша тексеру комиссиясының мүшесі Парида Байназароваға «Жергілікті деңгейде ішкі және жастар саясатын іске асыруға бөлінген бюджет қаражатының пайдалану тиімділігіне жүргізілген мемлекеттік аудит қорытындысын бекіту» туралы хабарлама жасады. Ол өз кезегінде «Aulieata-Media» жауапкершілігі шектеулі серіктестігі, облыстық жаст ар ре сурстық орт алығы, «Қоғамдық келісім» коммуналдық мемлекеттік мекемесіне жүргізілген аудиторлық тексерістің нәтижесі туралы баяндады.
Мұнан соң, облыс әкімдігі ақпарат және қоғамдық даму басқармасы басшысының міндетін атқарушы Құралай Өскембаева да есеп беріп, үш мекемеде анықталған қаржылық заңбұзушылықтарға тоқталып өтті.
Күн тәртібіндегі екінші мәселе бойынша Сарысу ауданы бойынша жергілікті бюджеттің шоғырландырылған қаржылық есептілігіне жүргізілген мемлекеттік аудит қорытындысы баяндады.
Марат ҚҰЛИБАЕВ
Ұқсас жаңалықтар
