Бүгін Орынбек Жорабеков «Бәйтерек» шағынауданында орналасқан №498 сайлау учаскесіне келіп, өз таңдауын жасады. Әуе саласының үздігі Орынбек Жорабеков: «Мен өмірімнің көпшілік бөлігін әуеде өткіздім. Сондықтан, маған жердің үстіндегі жақсы күндердің бәрі қымбат. Еліміздің жаңа қадамына қуанып , дауысымды бердім. Еліміз өркендей берсін. Халқымыз тыныш, бақытты, мемлекетіміз қуатты болсын», - деді нағыз еңбек адамы.

Айта кетейік, Референдумға аккредиттелген республикалық 13 қоғамдық бірлестік және жергілікті 4 қоғамдық бірлестіктер мен коммерциялық емес ұйымдардан байқаушылар қатысады.

Бұдан бөлек, тіркеуде жоқ азаматтарды референдум учаскелерінің мекенжайларына тіркеу сервисі Тараз қаласының  – 5 учаскеде (№9, №28, №82, №496, №505)  жұмыс істеуде.. Аталған учаскелер жоғары жылдамдықты интернетпен қамтылған.