Жасөспірімдердің девиантты мінезінің қалай алдын аламыз?
- author «Ақ жол»
- 3 қазан, 2024
- 115
Жасөспірімдердің девиантты мінез-құлқы көбіне әлеуметтік және психологиялық қиындықтардан туындайды. Отбасындағы қиын жағдайлар, оқу орындарындағы түсініспеушілік, жасөспірімдердің эмоционалдық және әлеуметтік қолдаусыз қалуы осындай мінез-құлықтың пайда болуына себеп болуы мүмкін. Сондықтан, бұл мәселені шешудің маңызды бөлігі ретінде жасөспірімдерді ұжымдық шығармашылық қызметке тарту арқылы олардың дамуына көмектесуді ұсынамыз.
Әлеуметтік-педагогикалық сүйемелдеу процесінде педагогтер мен әлеуметтік қызметкерлердің рөлі маңызды. Олар жасөспірімдерді бағыттап, шығармашылық жобаларды ұйымдастырып қана қоймай, жасөспірімдерге әрдайым қолдау көрсетіп отырады. Әрбір жасөспірімге жеке назар аударып, оның қабілеттері мен қызығушылықтарын ескеру – бұл процестің негізгі бөлігі.
Бүгінгі таңда көптеген мектептерде және жасөспірімдер орталықтарында шығармашылық фестивальдер, театр қойылымдары, көрмелер ұйымдастырылып та жүр. Мұндай іс-шараларға қатысу жасөспірімдерге өз таланттарын ашуға және басқа адамдармен өзара әрекеттесуді үйренуге мүмкіндік береді. Мысалы, театр үйірмелері жасөспірімдерге түрлі рөлдерді ойнап, өз эмоцияларын білдіруге және оларды дұрыс басқаруға көмектеседі. Сурет салу немесе мүсіндеу сабақтары ішкі күйзелісті жеңілдетуге және өзін шығармашылық арқылы білдіруге мүмкіндік береді. Музыкалық топтар мен хореографиялық дәрістер ұжымдық жұмыстың маңыздылығын және өзара түсіністікті арттырады.
Ұжымдық шығармашылық қызмет арқылы жасөспірімдердің девиантты мінез-құлқының алдын алу – бұл жасөспірімдердің үйлесімді дамуына ықпал ететін тиімді әдіс. Ол жасөспірімдерге өз қабілеттерін дамытуға, әлеуметтік ортада өз орнын табуға және девиантты әрекеттерден аулақ болуға көмектеседі. Әлеуметтік-педагогикалық сүйемелдеудің бұл тәсілі жасөспірімдерге өздерін қоғамның толыққанды мүшесі ретінде сезінуге және олардың болашақтағы жетістіктерінің негізін қалауға мүмкіндік береді.
Нұрилә ДҮЙСЕНАЛЫ,
М.Х.Дулати атындағы Тараз өңірлік университеті «Арнайы және әлеуметтік педагогика» кафедрасының 2-курс магистранты.
Ұқсас жаңалықтар
Сот саласындағы мемлекеттік тілдің маңыздылығы
- 17 қазан, 2024
Қағазбастылықтан арылтып, қолжетімділікті арттыруда
- 17 қазан, 2024
Ақпарат
Референдумнан қордайлықтар да қалыс қалмауда
- 6 қазан, 2024
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді