Алуан түрлі деректемелік мағлұматтар беретіндіктен, бұл өнер түрінің тәрбиелік мәні де зор. Заттың сыр-сипатын, кеңістікпен қарым-қатынасын, сәуле мен көлеңкенің үйлесе құлпыруын, қысқасы, дүниенің барша жарасымын тап басып бейнелеуде кескіндеменің тілінен нәзік те өткір тіл жоқ.

Оның түрлі санаттағы азаматтарды әлеуметтендірудегі маңызы да ерекше. Осы орайда облыстық әлеуметтік оңалту орталығында I және II топтағы мүгедектігі бар жеке тұлғалармен әлеуметтік еңбекке баул у бағытында түрлі бағдарламалар бойынша кескіндеме және мүсін жасау жұмыстары жүзеге асырылуда. Орталыққа қабылданған әрбір қызмет алушының денсаулық деңгейі нақты анықталғаннан кейін, олардың арасында еңбек терапиясының оңалту үдерісіндегі маңызды рөлі, денсаулыққа тигізетін әсері жайында әңгімелесулер жүргізіледі. Нәтижесінде олардың қызығушылықт ары, бейімі ескеріліп, тиісінше жеке жұмыс жоспарлары түзіледі. Еңбекке баулу барысында әрбір қызмет алушы міндетті түрде техникалық қауіпсіздік ережелерімен де таныстырылады. Бұл іске қажетті құрал-жабдықтарды, яғни қағаз, қалам, акварель, гуашь, акриль бояуларын қолдану мен гигиеналық тазалық талаптарын сақтау ісі де жіті қадағаланып отырады. Олардың денсаулық жағдайларына сәйкес есте сақтау қабілеттерін, қол икемділіктерін және ұсақ моториканы дамыту мақсатында сурет салып, түрлі- түсті бояуларды араластыру арқылы жылы-суық түстерді ажырата білуді үйретудеміз.

Жалпы, бұл шығармашылық түрінің қуанышы, эстетикасы адам баласының бәріне де ортақ. Әсіресе, мүгедек жандар үшін танымдық-тәрбиелік іс, әлеуетті ем-шараға да айналып отыр. Өнердің құдіреттілігі де осында. Бұл жұмыстардың нәтижесі күткендегідей болатынына бек сенімдіміз.

Қазым АМАНҚОСОВ,

облыстық әлеуметтік оңалту орталығының еңбекке баулу нұсқаушысы,

Қазақстан Суретшілер одағының мүшесі.