Өндіріс орнында алты адам жұмыс істейді. Оның екеуі Құлан агротехникалық колледжінің студенттері. Бұл аймақ өзі дайындаған мамандарын жұмыспен қамтамасыз етіп, әрі нарыққа қажетті тауар өндіріп, халықтың әлеуметтік тұрғыда ілгерілеуіне ұтымды жұмыс жүргізіліп жатқанын көрсетсе керек-ті.
– Алдағы уақытта шағын зауытымыздың өнімдерін тек өз елімізге ғана емес, шетелге де шығаруды жоспарлап отырмыз. Дәл қазір Қырғызстан және Өзбекстан елдерімен келіссөздер жүргізілуде. Кез келген тауардың өтімді болмағы оның сапасы мен бағасына тікелей байланысты. Біз бұл жағын да назарда ұстаймыз. Шетелдік компаниялар Қазақстанға екі-үш айлап жеткізетін тоңазытқыштарды енді екі-үш күнде апарып, орнатып бере алатын боламыз, – дейді кәсіпкер Қуандық Маханбетұлы.
Жаңашыл кәсіпкер аталған ауданның Көкдөнен ауылында туған. Өзі өсіп-өнген аймақтың өнеркәсібін өрлетіп, елді өркендетуді көздеген ол Т.Рысқұлов ауданынан сапалы әрі қолжетімді бағадағы тоңазытқыштар құрастырып шығармақшы. Бизнесті қолдауға жергілікті әкімшілік те дайын. Шағын зауытқа барып, алғашқы шығарылған өнімдерді көрген аудан әкімі Ернар Есіркепов өндіріс орнын ары қарай дамытудың жолдарын қарастырып, кәсіпкерлерге қолайлы орта қалыптастыру бағытында бірқатар бастамаларды қолға алу жайын сөз етті.
Қамар ҚАРАСАЕВА
Ұқсас жаңалықтар
Алматы – мәдениеттің мәйегі
- 19 қыркүйек, 2024
Жол саласында 219 жоба іске асырылған
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді