Бес бірдей мемлекетпен шектесетін біздің елдің шекарасын заңсыз кесіп өту фактілері әлі күнге толастамай тұр. Әсіресе, оңтүстіктегі Қырғыз елінің кейбір азаматтары шегендеулі шекарамыздан заңсыз кесіп өткені үшін қазақстандық қырағы құқық қорғау органдарының қолына түсуде.
Мәселен, біраз уақыт бұрын осынау көрші мемлекеттің бір азаматы нақ осы сипаттағы заңсыз әрекеті үшін Қордай аудандық сотының үкімімен 6 айға бас бостандығынан айырылды. Ол Қылмыстық Кодекстің 392 бабы 1 бөлігі бойынша кінәлі деп танылды. Тараз қаласының маңындағы қауіпсіздігі барынша төмен №26 мекемесінде жазасын өтеген Я есімді азамат жаза мерзімінің аяталуына байланысты еркіндікке жолдама алды. Сотталғанға «Қақпа алдында кездесу» әлеуметтік жобасы аясында құқықтары мен міндеттері түсіндіріліп, оны өз еліне жөнелту үшін шекара күзетінің қызметкерлеріне табыс етілді. Айта кетейік, дәл осы заңды бұзған ер адам енді 5 жыл бойы Қазақстан Республикасының аумағына кіре алмайды.
Ұқсас жаңалықтар
