Тазалықты жанына серік еткен мойынқұмдықтар бүгін аудан орталығы Мойынқұм ауылындағы «Саяси қуғын-сүргін құрбандары» ескерткішінің айналасына «Таза Қазақстан» акциясы аясында сенбілік жүргізді.
Сенбілік кезінде ескерткіш маңайы толық абаттандырылып, тазалық жұмыстары жүргізіліді.
Тағылым мол іс-шараға ардагерлер кеңесінің мүшелері мен белсенді жастар және жергілікті ауыл тұрғындары қатысты.
«Таза Қазақстан» акциясы дәстүрлі түрде ұйымдастырылу қажет деп санаймыз. Себебі мұндай іс-шаралар біз секілді өскелең ұрпақты, замандастарымызды тек ізгілікке ғана тәрбиелейді. Ауылдың тазалығы – елдің ырыс-құты. Тазалық бар жерге бақ та, береке де тұрақтайды, - дейді белсенді жас Айдана Несіпбай
Айта кетейік, өңірде акция басталғаннан бері 1600-ден астам сенбілік өткізіліп, 214 мың адам қоғамдық жұмысқа тартылған.
Ұқсас жаңалықтар
