Ветеринария саласындағы мемлекеттік көрсетілетін қызметтердің қолжетімділігі мен негізгі ережелерін насихаттау мақсатында, облыс әкімдігінің ветеринария басқармасы мен ведомстволық бағынысты ұйымдар өз қызметінде Қазақстан Республикасының 2002 жылғы 10 шілдедегі «Ветеринария туралы» №339 және 2013 жылғы 15 сәуірдегі «Мемлекеттік көрсетілетін қызметтер туралы» №88-V Заңдарын, Цифрлық даму, инновациялар және аэроғарыш өнеркәсібі министрінің м.а. 2020 жылғы 31 қаңтардағы «Мемлекеттік көрсетілетін қызметтер тізілімін бекіту туралы» №39/НҚ бұйрығын, сондай-ақ Ауыл шаруашылығы министрінің 2015 жылғы 30 қаңтардағы «Ауыл шаруашылығы жануарларын бірдейлендіру қағидаларын бекіту туралы» №7-1/68 бұйрығын және 2015 жылғы 21 мамырдағы «Ветеринариялық құжаттарды беру қағидаларын және олардың бланкілеріне қойылатын талаптарды бекіту туралы» №7-1/453 бұйрығын басшылыққа алады.

Ветеринария басқармасы осы қолданыстағы нормативтік құқықтық актілердің негізінде келесі мемлекеттік көрсетілетін қызметтерді қағаз және электронды түрде «Электрондық үкіметтің» веб-порталы: www.egov.kz, www.elicense.kz арқылы жүзеге асырады, атап айтқанда:

- ведомстволық бағынысты ұйымдардың тарапынан:

1) «Ветеринариялық анықтама беру» мемлекеттік көрсетілетін қызметі;

2) «Ауыл шаруашылығы жануарларын ветеринариялық паспорт бере отырып бірдейлендіруді жүргізу» мемлекеттік көрсетілетін қызметі;

- ветеринария басқармасының тарапынан:

3) «Ветеринария саласындағы қызметпен айналысуға лицензия беру» мемлекеттік көрсетілетін қызметі.

Ветеринария саласында мемлекеттік қызмет көрсету мәселелері бойынша Тараз қаласы, Қойгелді көшесі, 83 үй мекен-жайына хабарласуға болады.

Байланыс телефоны: 45-15-65.

Жауапты маман: Қадір Әсел Бақытжанқызы