Ашық желіде Қасым-Жомарт Кемелұлының биыл да туған күнін атап өтпейтіндігі, бұл датаға байланысты ешқандай іс-шара жоспарланбағандығы туралы Президенттің кеңесшісі – Баспасөз хатшысы Берік Уәлидің қысқаша бейресми хабарламасы тарады.

Айта кетейік, Президент 1953 жылы 17 мамырда Алматы қаласында дүниеге келген. Әкесі – Кемел Тоқаев (1923-1986) Ұлы Отан соғысының ардагері, белгілі жазушы, қазақ әдебиетінің детективті-шытырман оқиғалы жанрының негізін қалаушы. Анасы – Тұрар Шабарбаева (1931-2000) Алматы шет тілдері педагогикалық институтында қызмет еткен.