Шалғай аудандарды интернетпен қамтамасыз ету үшін республикалық және облыстық автожолдар бойында талшықты-оптикалық байланыс желілері салынады, деп хабарлайды aqjolgazet.kz Бұл туралы ҚР цифрлық даму, инновациялар және аэроғарыш өнеркәсібі министрлігі ресми сайтында мәлімдеді. Күні кеше жарияланған хабарламада төмендегі мәселелер қамтылған: - Салаларды цифрландыруды дамыту мақсатында ауыл шаруашылығы және өнеркәсіп объектілерінде байланыс қызметтерін субсидиялау енгізілді, оның тәртібін байланыс саласындағы уәкілетті орган мүдделі мемлекеттік органдармен келісе отырып, анықтайды; - Мүгедектігі бар тұлғаларды қолдау мақсатында байланыс саласындағы уәкілетті орган байланыс операторларының оларға жеңілдетілген тарифтерді ұсыну бойынша міндеттемелерін бекітетін болады; - Байланыс саласында нарықтың жаңа қатысушысы – виртуалды байланыс операторы енгізілуде, ол бір немесе бірнеше ұялы байланыс операторларының инфрақұрылымын пайдаланады; - Жаңа өзгерістерге сәйкес, операторлар төтенше жағдайлар туралы жедел хабарлау үшін Cell Broadcast технологиясын ұсынуға міндетті. Жергілікті органдар шұғыл қызметтер жүйелерінің жұмысын бақылайтын болады, сондай-ақ байланыс жабдықтарын орналастыру үшін орындарды жалға алуға шекті тарифтер белгіленетін болады. Фото: ашық дереккөз