![Азаматтардың құқықтарының қорғалуы басты назарда](https://aqjolgazet.kz/uploads/resized-images/2024/04/a2cc9237-f31d-47a3-a423-04479358c3a8.jpeg)
ҚР Мемлекеттік қызмет істері агенттігінің Жамбыл облысы бойынша департаменті қызметінің басым бағыттарының бірі халыққа сапалы мемлекеттік қызмет көрсетуді қамтамасыз ету болып табылады.
Көрсетілетін қызметтерді алушылардың құқықтарын қорғауға және қалпына келтіруге баса назар аударылған.
Департаментпен санитариялық-эпидемиологиялық бақылау органдарының қызметіне профилактикалық бақылау жұмыстары жүргізілген.
Бақылау жұмыстарының нәтижелеріне сәйкес «Халықтың санитариялық-эпидемиологиялық саламаттылығы саласындағы маман сертификатын беру» бойынша мемлекеттік қызметті көрсетуден негізсіз бас тарту сипатындағы бұзушылықтар анықталды.
Нақты айтқанда, «Дезстанция» мекемесінің маманына мәлімделген мамандықтың сәйкес келмеуіне сілтеме жасалып, халықтың санитариялық-эпидемиологиялық саламаттылығы саласындағы маман сертификатын беруден негізсіз бас тартылған.
Қызметті алушының құқықтары мен заңды мүдделерін қорғау мақсатында Департаментпен көрсетілетін қызметті алушының бұзылған құқықтарын қалпына келтіруге бағытталған шараларды қабылдау туралы нұсқама енгізілді.
Қазіргі таңда, Департаменттің бұл жағдайға ден қоюынан кейін қызмет алушының құқықтары толығымен қалпына келтірілді және оған «Дезинфекциялық іс» мамандығы бойынша халықтың санитариялық-эпидемиологиялық саламаттылығы саласындағы қызметті жүзеге асыруға сертификат берілді.
2024 жылдың 1 тоқсанында 5 мемлекеттік органда жүргізілген профилактикалық бақылау іс-шараларының қорытындысы бойынша Департаментпен 714 бұзушылық анықталды, сондай-ақ 7 лауазымды тұлға 258 440 теңге көлемінде айыппұл салу түріндегі әкімшілік жауапкершілікке тартылды.
Естеріңізге сала кетейік, мемлекеттік қызмет көрсетуден негізсіз бас тартылған және заңды құқықтарыңыз бұзылған жағдайда, Сіз ҚР Мемлекеттік қызмет істері агенттігінің Жамбыл облысы бойынша департаментіне Тараз қаласы, Рысбек батыр бұрылысы, 8А мекен-жайы немесе 8 (7262) 43-88-08 нөмірі бойынша, сондай-ақ «08.Onay.qyzmet» Телеграм-каналы арқылы хабарласа аласыз.
Өтінішті «E-otinish» азаматтарының барлық өтініштерін қабылдау мен өңдеудің бірыңғай платформасы арқылы да беруге болады.
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді