Таразда «Таза Қазақстан» экологиялық акциясының «Киелі мекен» атты екінші апталығы қызу қарқында жүруде. Бүгін  қала тұрығындары мен «Жасыл ел – Тараз» ұжымы бірлесіп, «Қарахан» және «Дәуітбек» этно-тарихи нысандарының төңірегіне тазалық жұмыстарын жүргізді. Сондай-ақ кесене аумағына бірнеше түп тұт ағашын отырғызды. Дәл осы тазалық акциясы аясында күні кеше жергілікті тұрғындар мен қоғамдық қызметкерлер «Жеңіс» саябағы аумағына 30 туя мен 20 ясин ағашын және 500 түп раушан гүлін отырғызған еді. Айта кетейік, ауқымы кең әрі берері мол бастама «Таза өлке», «Киелі мекен», «Жасыл аймақ», «Өнегелі ұрпақ» және «Мөлдір бұлақ» деп мән-маңызына қарай бес бірдей аптаға бөлінген.