Жаңалықтар
Президенттің төрағалығымен Ғылым және технологиялар жөніндегі ұлттық кеңестің отырысы өтуде
- author «Ақ жол»
- 12 сәуір, 2024
- 276
![Президенттің төрағалығымен Ғылым және технологиялар жөніндегі ұлттық кеңестің отырысы өтуде](https://aqjolgazet.kz/uploads/resized-images/2024/04/photo_2024-04-12_12-55-56.jpg)
Президенттің төрағалығымен Ғылым және технологиялар жөніндегі ұлттық кеңестің отырысы өтуде
Ақордада Президент Қасым-Жомарт Тоқаевтың төрағалығымен Ғылым және технологиялар жөніндегі ұлттық кеңестің отырысы өтіп жатыр,- деп хабарлайды aqjolgazet.kz сайтының тілшісі Ақордаға сілтеме жасап.
Мемлекет басшысы алдымен, қатысушыларды Ғылым күнімен құттықтады.
"Бүгінгі мерекелік күн – қоғамымыздағы ерекше сәт, себебі бұл күн ғұлама ғалым, заңғар тұлға Қаныш Сәтбаевтың туған күнімен тұспа-тұс келіп отыр. Дәл бүгін академик Қаныш Сәтбаевтың туғанына 125 жыл толды. Біз «ғылым» туралы сөз қозғағанда, ең алдымен, ұлы ғалым Қаныш Имантайұлыың есімі ойға оралады. Бұл – заңдылық. Мемлекеттік мәртебесін қайта иеленген Ұлттық ғылым академиясы еліміз ғана емес, бүкіл әлемнің ғылыми қауымдастығы мақтан тұтатын Қаныш Сәтбаевтың есімімен тығыз байланысты. Бұл кездейсоқтық емес»,- деді Қасым-Жомарт Тоқаев.Сондай-ақ Президент еліміздегі қазіргі ахуалға тоқталып өтті.
"Қазір Үкімет барлық қажетті шараларды жедел түрде қабылдап жатыр. Тиісті тапсырмаларды бердім, жағдайды бақылауда ұстап отырмыз. Табиғаттың тосын мінезінен басқа да елдер зардап шегуде. Әлемнің әр түкпірінде жер сілкінісі, өрт, су тасқыны болып жатыр. Бір сөзбен, жаһандық климат өзгеріп, табиғи апаттар жиілеп кетті. 1980-1985 жылдары әлемде 1700-ге жуық табиғи апат болған. Ал 2010-2015 жылдары апаттардың саны 3700-ден асқан. Яғни аз уақыттың ішінде табиғи апат саны екі есе көбейді. Жартысына жуығы – суға қатысты апаттар. Әрине, бұл – бүкіл адамзатқа төніп тұрған өте үлкен қатер. Сондықтан мұндай апаттардың алдын алып, азаматтардың амандығын қамтамасыз ету – аса маңызды міндет. Ғылым – бұл міндетті іске асырудың бірден-бір жолы»,- деді Мемлекет басшысы.
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді