Жаңалықтар
Сенат әйел құқықтары мен бала қауіпсіздігі туралы заңды мақұлдады
- author «Ақ жол»
- 11 сәуір, 2024
- 182
![Сенат әйел құқықтары мен бала қауіпсіздігі туралы заңды мақұлдады](https://aqjolgazet.kz/uploads/resized-images/2024/04/436348127_122140411604147900_3088777518921766183_n.jpg)
Сенат әйел құқықтары мен бала қауіпсіздігі туралы заңды мақұлдады
Бұл туралы Мәдениет және ақпарат министрлігінің баспасөз қызметі ресми парақшасында мәлімдеді, деп хабарлайды aqjolgazet.kz Бүгін Сенат Спикері Мәулен Әшімбаевтың төрағалығымен Палата отырысында «Қазақстан Республикасының кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» және «Қазақстан Республикасының Әкімшілік құқық бұзушылық туралы кодексіне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» заңдарды екі оқылымда қарап, мақұлдады.
Заңды әзірлеудегі басты мақсат – балалардың қауіпсіздігін қамтамасыз ету мәселелері бойынша мемлекеттік саясаттың құқықтық, экономикалық, әлеуметтік және ұйымдастырушылық негіздерін жетілдіру, әйелдер мен балаларға қатысты қылмыстардың алдын алу және жолын кесу.
Аталмыш заң аясында әйелдер мен балалардың заңды мүдделерін қамтамасыз ету және елімізде отбасы институтын нығайту үшін қосымша құқықтық тетіктер енгізіліп отыр. Сондай-ақ отбасылық зорлық-зомбылық үшін жауапкершілік күшейтілді.
Сонымен қатар осы заңдар шеңберінде өмірде қиын жағдайға тап болған отбасыларды қолдауға арналған ережелер де қарастырылған. Заң нормалары арқылы тиісті уәкілетті органдардың өкілеттіктері айқындалады. Отбасын қолдау орталықтары және «111» байланыс орталығы сияқты ұйымдардың құзыреттері де заңнамалық деңгейде белгіленеді.
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді