Жаңалықтар
БҚО-да тұрғындарға көмектесуге барған құтқарушыны пышақтаған
- author «Ақ жол»
- 1 сәуір, 2024
- 205
![БҚО-да тұрғындарға көмектесуге барған құтқарушыны пышақтаған](https://aqjolgazet.kz/uploads/resized-images/2024/04/photo_2024-04-01_11-21-37.jpg)
БҚО-да тұрғындарға көмектесуге барған құтқарушыны пышақтаған
Батыс Қазақстан облысы Казталов ауданында су тасқынынан зардап шеккен тұрғындарға көмектесуге барған құтқарушы пышақ жарақатын алды,- деп хабарлайды aqjolgazet.kz сайтының тілшісі ҚР ТЖМ баспасөз қызметіне сілтеме жасап.
Оқиға 31 наурыз күні кеште Казталов ауданы Жалпақтал ауылының маңында болған. Ішімдік ішкен адам 26 жастағы құтқарушыға шабуылдаған. Кеуде тұсынан жарақат алған құтқарушы ауруханаға жеткізілген.
«Жедел деректер бойынша, жергілікті тұрғындарға көмек көрсету бойынша су тасқынына қарсы іс-шараларды өткізу барысында Қараөзен өзенінің жағасында 1998 жылы туған азаматтық қорғау сержанты жараланды. Ол аудандық ауруханаға кеуде аймағында екі пышақ жарақатымен жеткізілді. Науқас дәрігерлердің бақылауында. Полицияның мәліметінше, шабуылдаушы ішімдік ішкен күйінде болған», - деп хабарлады ТЖМ.Осы оқиғаға байланысты сотқа дейінгі тергеу басталды.
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді