Наурыз нұры
Күләш АХМЕТОВА, ақын, ҚР Мемлекеттік сыйлығының лауреаты. Төріме шығып, төрт түлік малды төлдеткен,
Наурызым келді, сағынып едім мен көптен.
Еңбекпен алтын бесігін – жерін тербеткен
Еліме менің еншісін түгел бер, көктем!
Кеңейте түсіп керемет жарық шеңберін,
Ең керім сәтте мейірімін төксе жерге Күн,
Көлдерім еріп, байтағым барқыт жамылып,
Бәйшешек гүлді көйлегін киер белдерім.
Бораннан босап жырлаған кезде көк орман,
Наурызым келіп, жарады бүршік мол арман.
Жоғалған заттың қайтуы қиын заманнан
Сан алуан гүлмен Наурызым бүгін оралған!
Жылы күн келді, құлпырып дала жас түрмен.
Жыл құстарының құйқылжығанын естір ме ең?!
Ескірген салттың естісін еске ап, келіндер,
Қазан асыңдар, халқымнан қалған дәстүрмен!
Жайнауын қара, жақсылық толы аймағым.
Сағынған кезде ауылдың сүтін, айранын,
Қаймағын тосып, әкелген әрі сайранын,
Ғажап қой менің табиғат берген мейрамым!
Ұқсас жаңалықтар
Сот саласындағы мемлекеттік тілдің маңыздылығы
- 17 қазан, 2024
Қағазбастылықтан арылтып, қолжетімділікті арттыруда
- 17 қазан, 2024
Ақпарат
Референдумнан қордайлықтар да қалыс қалмауда
- 6 қазан, 2024
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді