Жамбыл облысында өрт кезінде 14 адам құтқарылып, қауіпсіз жерге шығарылды. Бұл туралы өңірдің төтенше жағдайлар департаменті мәлімдеді. Тараз қаласында 3-қабаттағы пәтердің балконында өрт шыққан.

Өрт аумағы 5 шаршы метрді шарпыды. Тілсіз дау 13:59 өрт жойылып, ТЖД күшімен баспалдақ маршымен 14 адам эвакуацияланды. Оның ішінде 5 бала бары белгілі болды. Өрт оқиғасынан зардап шеккендер жоқ, - деп жазылған Жамбыл облыстық ТЖД ақпаратында.

Қазіргі уақытта өрттің себебі анықталып жатыр. Оқиға орнында 27 қызметкер және 9 бірлік ТЖД техникасы жұмылдырылды. /фото ТЖМ баспасөз қызметі