Жаңалықтар
Бас мүфти "ифтар" емес, "ауызашар" деп қазақ тілінде айтуға шақырды
- author «Ақ жол»
- 11 наурыз, 2024
- 290
![Бас мүфти "ифтар" емес, "ауызашар" деп қазақ тілінде айтуға шақырды](https://aqjolgazet.kz/uploads/resized-images/2024/03/392eab1fca40fde82837f5d1619a481d.jpg)
Бас мүфти "ифтар" емес, "ауызашар" деп қазақ тілінде айтуға шақырды
Қазақстан мұсылмандары діни басқармасының төрағасы – Бас мүфти Наурызбай қажы Тағанұлы Qazaqstan ұлттық телеарнасына берген сұхбатында қасиетті Рамазан айында өзгеріске еніп кеткен сөздер туралы айтты, – деп хабарлайды aqjolgazet.kz сайтының тілшісі.
«Ата-бабалардан бізге жеткен, дініміз Исламмен сабақтасып кеткен салт-дәстүрлеріміз бар, Құдайға шүкір. Соны сақтап қалу мақсатында көп жұмыс атқарылып жатыр. Жақында ғана «Бабалар ізімен: Қазақ даласындағы мұсылмандық мектеп» кітабы жарық көрді. Бізге Ислам қашан келді, оны бабаларымыз қалай ұстады, қандай бағытта жүрді? Осының барлығы сол жерде көрсетілген. Осы кітаптар елімізге кеңінен тарап жатыр. Дәстүрдің құндылығы аясында Оразаға қатысты дүниелерді айттық. Мысалы, Оразаға қатысты сырттан келген сөздер бар. Мысалы, сәресін біз сәресі деп келдік, кейбір жастарымыз оны «сухур» деп кетті», – дейді Наурызбай қажы Тағанұлы.Бас мүфти күнделікті өмірде шет тіліндегі сөзді қосып сөйлеу белең алып бара жатқанын айтты. Сонымен қатар ифтар емес, ауызашар деп айтуға үндеді.
«Біреулер ифтар деп айтып кетті. Кейбір сөздерді ағылшын тілінде айтып жатады. Көршілес орыс тілінде айтылатын сөздер бар. Бірақ біз өзіміздің ұлттық құндылықтарымызды дәріптейік деген мақсатта осы үндеуді айтып отырмыз», – дейді Наурызбай қажы Тағанұлы./фото ult.kz сайтынан алынды
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді