Жаңалықтар
Таразда қоғам қайраткері, журналист Баттал Жаңабайұлына арналған мемориалдық тақта ашылды
- author «Ақ жол»
- 8 наурыз, 2024
- 289
![Таразда қоғам қайраткері, журналист Баттал Жаңабайұлына арналған мемориалдық тақта ашылды](https://aqjolgazet.kz/uploads/resized-images/2024/03/61b8fee78dfaae7dafed488f63004251_1280x720.jpeg)
Таразда қоғам қайраткері, журналист Баттал Жаңабайұлына арналған мемориалдық тақта ашылды
Қазақстанның еңбек сіңірген мәдениет қайраткері, Жамбыл облысының Құрметті азаматы, қоғам қайраткері, журналист Баттал Жаңабайұлының туғанына биыл 95 жыл толып отыр.
Осыған орай, облыс әкімдігінің қолдауымен Тараз қаласында көрнекті қаламгердің тұрған үйінде мемориалдық тақта орнатылды.
Шара барысында Жамбыл облысының әкімі Ербол Қарашөкеев саналы ғұмырын қазақ журналистикасының дамуына арнаған Баттал Жаңабайұлының жарқын бейнесі жерлестерінің жадында мәңгі сақталатынын атап өтті.
- Қашан да баспасөздің қоғамдағы рөлі аса маңызды. Оның ішінде, 100 жылдан астам тарихы бар облыстық «Aq jol» газетінің орны ерекше. Баттал Жаңабайұлы облыстың тыныс-тіршілігін шежірелеген осынау басылымды 20 жыл абыроймен басқарды. Қазақта «жақсының аты, ғалымның хаты өлмейді» деген нақыл бар. Өңірде рухани саланың дамуына елеулі еңбек еткен ардагер журналисттің есімі ешқашан ұмытылмайды. Біздің ендігі міндетіміз – ерен еңбектің үлгісін көрсеткен Баттал ағамыздың өмір жолы мен еңбегін көпке насихаттау, өскелең ұрпақты еңбексүйгіштікке баулу, - деді аймақ басшысы.Шара барысында жазушы-драматург Елен Әлімжан, ҚР Журналистер Одағы облыстық филиалының төрағасы Жаңабай Миллионов және жазушы, журналист Көсемәлі Сәттібайұлы Баттал Жаңабайұлы туралы өз естеліктерімен бөлісті. Баттал Жаңабайұлы – өз ісінің нағыз кәсіби шебері, өнегелі өмірін журналистика саласының дамуына арнаған азамат. Ұзақ жылғы жемісті еңбегі үшін екі мәрте «Құрмет ордені» белгісімен марапатталған. Ардагер журналисттің «Сөз құдіреті» және «Жақсылардың шуағы» кітаптары жарық көрген.
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді