Жаңалықтар
Жамбыл облысында су үнемдеу технологиялары енгізілген алқап көлемі 65,8 мың гектарға жетеді
- author «Ақ жол»
- 7 наурыз, 2024
- 209
![Жамбыл облысында су үнемдеу технологиялары енгізілген алқап көлемі 65,8 мың гектарға жетеді](https://aqjolgazet.kz/uploads/resized-images/2024/03/photo_2024-03-06_23-24-39.jpg)
Жамбыл облысында су үнемдеу технологиялары енгізілген алқап көлемі 65,8 мың гектарға жетеді
Жамбыл облысында су үнемдеу технологиялары енгізілген алқаптар ұлғайып келеді. Өткен жылы тамшылатып және жаңбырлатып суару қондырғылары қолданылатын егістік көлемі 57,2 мың гектарға жетсе, ағымдағы жылы бұл көрсеткішті 65,8 мың гектарға дейін арттыру көзделуде.
Бұл туралы Жамбыл облысының әкімі Ербол Қарашөкеев пен облысқа жұмыс сапарымен келген ҚР Су ресурстары және ирригация министрі Нұржан Нұржігітовтің қатысуымен өткен су шаруашылығын дамыту мәселелері бойынша кеңесте айтылды.
Басқосуда облыс әкімі су қауіпсіздігін қамтамасыз ету және су тапшылығын шешу мақсатында 2026 жылға дейін кешенді жоспар бекітілгенін атап өтті. Биыл 72 ирригациялық жүйені қалпына келтіру жоспарлануда.
2019 жылдан бастап Халықаралық қаржы институттары есебінен 6 ауданда (Байзақ, Жамбыл, Жуалы, Қордай, Меркі, Шу) жалпы құны 40 миллиард теңгені құрайтын 2 жобаны жүзеге асыру жалғасуда.
Нұржан Нұржігітов су ресурстарын тиімсіз пайдалану және гидротехникалық құрылыстардың жоғары тозуы мәселелерін шешу үшін елімізде 2024-2030 жылдарға арналған су ресурстарын басқару жүйесін дамытудың тұжырымдамасы қабылданғанын, жаңа Су кодексі әзірленгенін жеткізді.
Министр өз сөзінде су қоймаларындағы жөндеу-құрылыс жұмыстарының барысын бақылауды күшейту, су үнемдейтін технологияларды белсенді енгізу, су шығынын азайту және өнімділікті арттыру мәселелеріне кеңінен тоқталды.
Ал облыс әкімінің орынбасары Қанатбек Мәдібек өңірдегі су шаруашылығы инфрақұрылымын жаңғырту жұмыстары жөнінде хабардар етті. Оның айтуынша, 2026 жылға дейін облыста жалпы сыйымдылығы 43,2 миллион текше метрді құрайтын 12 жаңа су қоймасын салу көзделуде. Бүгінде Меркі ауданында орналасқан 3 су қоймасының құрылысы аяқталуға жақын.
Жалпы, 2023 жылы «Жамбыл су қоймалары» коммуналдық мемлекеттік мекемесінің теңгеріміндегі 13 су қоймасы ағымдағы жөндеуден өтсе, биыл дәл осындай 9 нысанды жөндеу жұмыстарын жүргізу жоспарлануда. Қазіргі таңда Жасөркен ауылындағы гидрологиялық бекеті қалпына келтіру жұмыстары толығымен аяқталған.
Сондай-ақ облыс әкімінің орынбасары су үнемдеу технологиялары енгізілген алқаптардың көлемі ұлғайып келе жатқанын жеткізді. Былтыр су үнемдеу технологиялары енгізілген егіс алқабы 57,2 мың гектардан асса, осы жылы бұл көрсеткішті 65,8 мың гектарға дейін жеткізу жоспарлануда.
Жиын барысында су ресурстарын реттеу және қорғау жөніндегі Шу-Талас бассейндік инспекциясының басшысы Талғат Ибраев, «Қазсушар» облыстық филиалының директоры Асқанат Қадыров және бірқатар жеке сектор өкілдері өз ойларын ортаға салды.
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді