![Ғасыр жасаған қарияға құрмет](https://aqjolgazet.kz/uploads/resized-images/2024/02/img_1639.jpeg)
Ғасыр жасаған қарияға құрмет
Облыс әкімі Ербол Қарашөкеев соғыс ардагері, Т.Рысқұлов ауданы Жаңатұрмыс ауылының тұрғыны Шалданбай Шанбаевты 100 жасымен құттықтады. Аймақ басшысы ғасыр жасаған қарияға ізгі лебізін арнап, Жеңісті жақындатуға қосқан үлесін, ұзақ жылдар бойы атқарған елеулі еңбегін, өнегелі өмірін атап өтіп, алғысын жеткізді.
Өз кезегінде қарт майдангер де естеліктерімен бөлісіп, ақ батасын берді.
«Аллаға шүкір, бүгін елімізде тыныштық, мамыражай өмір. Осындай бейбітшілік заман басымызда мәңгі тұрақтап қалсын», – дейді ақсақал.
Айта кетейік, Шалданбай қария Макен әжей екеуі 6 ұл, 3 қыз өсіріп, тәрбиелеген. Бүгінде олардан 32 немере, 47 шөбере, 3 шөпшек сүйіп отырған ақсақал елдің амандығын, тыныштығын тілеп, бейбіт күннің бағасын білуге шақырып келеді.
1942 жылы әскерге шақырылған майдангер соғыстың соңына дейін ішкі істер әскерлерінің 227 полкі құрамында болып, соғыс біткен соң да әскер қатарында қалған. Ол 1949 жылы елге оралып, трактор бригадасының бригадирі, санақшы ретінде еңбек етіп, зейнеткерлікке шыққанға дейін «Жаңатұрмыс» колхозында есепші, бас есепшінің көмекшісі болған.
«II дәрежелі Отан соғысы» орденінен және «Маршал Жуков» және басқа да бірқатар мерекелік медальдармен марапатталған.
Облыс әкімінің баспасөз қызметі.
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді