Бетқайнар ауылдық округіндегі «Алмаз» ШҚ өзінің жер аумағындағы көлшік пен тоғанды екі жылдан бері тазартып, су келтіріп балық шаруашылығын дамытуды қолға алды. Былтыр көлге сазан, тұқымбалық, карп тәрізді балық тұқымдары өсімге жіберілген болатын. ШҚ төрағасы Жұмабек Есжиғанов алдағы жазда мұнда балық шаруашылығымен қатар, ауылдастары үшін демалыс орнын ашуды да көздеп отыр.