Жамбыл облысының әкімі Ербол Қарашөкеев азаматтарды жеке сұрақтары бойынша қабылдау өткізді. Қабылдауға келген азаматтар бірқатар мәселелерді көтеріп, өтініштерін жеткізді. Атап айтқанда, олар баспана алу, әлеуметтік көмек, ауыл шаруашылығы, жер бөлу, жұмысқа орналасу секілді мәселелерге назар аудартып, көмек сұрады. Облыс әкімі азаматтардың өтінішітеріне жіті көңіл бөліп, барлық сұрақ заң аясында қарастырылатынын атап өтті. Бірқатар өтініштерді жан-жақты зерделеу үшін жауаптыларға нақты тапсырмалар берді.