Сол дүкенші ағамыз бір тексеру кезінде дүкенінен көп заттар кем шығып, «растрат» болып, ісі сотқа өтіп кетеді. Ол кісі сонда да болса ешкімнен қымсынбай, кеудесін жоғары ұстап «Мені халқым құтқарып алады» дейтін көрінеді. Тексеруші орган қызметкерлері оның әпендішатыстау қылығына мырс-мырс күледі де қояды екен. Шынында да ағамызды көп өтпей-ақ, «халқы» – өзінен көп дүниені кезінде сутегінге алған ауылдастары қарыздарын түгел қайтарып беріп, түрмеге қамалудан құтқарып қалған екен. Сөйтіп, Қайдаудың ауылдастарына жаны ашып, не сұраса да қарызға бере салатын мырзалығы түбіне жете жаздапты.

Ел аузынан жиып-терген Баймаханбет АХМЕТ.

Талас ауданы.