Жаңалықтар
Жамбылдық дарынды оқушыларға Президенттің Жаңа жылдық сыйлықтары табысталды
- author «Ақ жол»
- 29 желтоқсан, 2023
- 240
![Жамбылдық дарынды оқушыларға Президенттің Жаңа жылдық сыйлықтары табысталды](https://aqjolgazet.kz/uploads/resized-images/2023/12/e9595d42-26c1-4324-915f-5b9cbcdb8c61.jpeg)
Жамбылдық дарынды оқушыларға Президенттің Жаңа жылдық сыйлықтары табысталды
Жаңа жыл мерекесі қарсаңында Тараз қаласындағы дарынды оқушылар Мемлекет басшысы Қасым-Жомарт Тоқаевтың атынан сыйлықтарға ие болды.
Жамбыл облысының әкімі Ербол Қарашөкеев Төле би атындағы №8 гимназияның оқушысы Сенім Мұхамедалиеваға ҚР Президентінің құттықтауын жеткізіп, жаңа жылдық сыйлықтарды тарту етті.
Аймақ басшысы Сенімге оқуда үздік, өмірде жолы ашық болуын тіледі.
Алтыншы сынып оқушысы Сенім Мұхамедалиева «Зерде» республикалық ғылыми жобалар байқауында «Информатика робототехника, STEM, инженерия» секциясында және шахматтан ұлттық мектеп лигасының қалалық кезеңінде 1-ші орынды иеленген.
Сондай-ақ, Мемлекет басшысының құттықтауы №12 мектеп-гимназиясының 4-сынып оқушысы Шыңғыс Әбдуәлі мен №16 орта мектептің 3-сынып оқушысы Кәусар Мұқатайға тапсырылды. Оларды облыс әкімінің орынбасарлары жеткізді.
Шыңғыс «Жарық жұлдыз» байқауында «Үздік оқушы» атанып, «Алтын таланттар» халықаралық байқауында қатарластарынан оқ бойы озық шыққан. Ал Кәусар каратэ-до бойынша облыстық жарыстардың жеңімпазы.
Өз кезегінде де жүздері бал-бұл жанған балалар мен олардың ата-аналары Мемлекет басшылығына ризашылығын жеткізіп, қуаныштарымен бөлісті.
Облыс әкімдігінің баспасөз қызметі
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді