Бұл туралы Жамбыл облысы бойынша өңірлік коммуникациялар қызметінде өткен брифинг барысында ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаменті басшысының бірініші орынбасары Д.Омаров мәлімдеді. Талдау жүргізу кезінде Шу ауданы әкімдігі тарапынан ҚР Жер кодексінің 33-бабы 1-тармағының талаптары бұзылғаны анықталды. Яғни, шаруа қожалық мүшелері бұрын шаруа қожалықтарының мүшелері болып табылмайтын өзге тұлғаларға бес жылдық жалдау мерзімі аяқталғанға дейін өз құқықтарын беріп келген. Департаменттің ұсынысы бойынша жалпы көлемі 1071 гектарды құрайтын жер учаскелері Шу ауданының мемлекеттік жер қорына қайтарылды.