Қалыптасқан дәстүр бойынша жыл соңында ауданның әлеуметтік-экономикалық дамуына қосқан зор үлесі, қоғамдық өмірдегі жоғары белсенділігі үшін он адамға «Қордай ауданының Құрметті азаматы» атағы берілді. Олардың ішінде қарапайым еңбегімен көпке үлгі бола білген теміржолшы Тұрғанбек Түнғатаров, механизатор Кенсат Байымбетов, білім беру ісінің үздіктері Хива Софиян, Қапасбек Ақылқожаев тәрізді шын мәнінде осындай құрметке лайықты азаматтар бар.