Басты жаңалық
Мемлекеттік кеңесші Ерлан Қарин ЮНЕСКО-ның Бас директоры Одрэ Азулемен кездесті
- author «Ақ жол»
- 7 қараша, 2023
- 174
![Мемлекеттік кеңесші Ерлан Қарин ЮНЕСКО-ның Бас директоры Одрэ Азулемен кездесті](https://aqjolgazet.kz/uploads/resized-images/2023/11/06daa0bf-a61c-477b-9501-d15c49ef4675.jpeg)
Мемлекеттік кеңесші Ерлан Қарин ЮНЕСКО-ның Бас директоры Одрэ Азулемен кездесті
Қазақстан Республикасының Мемлекеттік кеңесшісі Ерлан Қарин ЮНЕСКО Бас конференциясының 42-ші сессиясы аясында ЮНЕСКО-ның Бас директоры Одрэ Азулемен кездесті.
Ерлан Қарин ЮНЕСКО басшысының биылғы маусым айында елімізге ресми сапармен келіп, Мемлекет басшысы Қасым-Жомарт Тоқаевпен кездесуі өзара тиімді екіжақты ынтымақтастықты дамытуға тың серпін бергенін атап өтті.
Мемлекеттік кеңесші Қазақстанның осы ұйыммен мәдени және табиғи мұраларды қорғау саласында ықпалдастықты тереңдетуге мүдделі екенін жеткізді. Жер жүзінде климат өзгеріп жатқан кезеңде ЮНЕСКО-ның қолдауымен Алматыдағы Орталық Азия аймақтық гляциологиялық орталығының дәйекті түрде жүргізіп отырған зерттеулерінің мән-мағынасы зор.
Ерлан Қарин ЮНЕСКО басшысына Ұйымның Алматы қаласындағы Кластерлік кеңсесіне Көпсалалы аймақтық кеңсе (Бюро) мәртебесін беру туралы шешім қабылдағаны үшін алғыс айтты.
Одрэ Азуле Қазақстанға жасаған сапарын ерекше ықыласпен еске алып, Қазақстан Республикасының Президенті Қасым-Жомарт Тоқаевтың бастамасымен елімізде жүргізіліп жатқан жүйелі реформаларға, соның ішінде білім, ғылым және мәдениет саласын дамытуға бағытталған іс-шараларға жоғары баға берді. Дереккөз: Akorda. kz
Ұқсас жаңалықтар
Жамбылдықтар жаппай сенбілікке шықты
- 6 сәуір, 2024
Ақпарат
Президент эстрада әншісін «Барыс» орденімен марапаттады
- 22 шілде, 2024
Таразда тіркелген қылмыс саны 29 пайызға төмендеген
- 18 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді