Полицияның 102 арнасына Тараз қаласының тұрғыны үйінен алтын заттарының және ақшалай қаражаттарын ұрланғанын хабарлады. Белгісіз адам оның үйіне жатын бөлменің терезесі арқылы еніп, 129 000 теңге ақшасын және түрлі алтын бұйымдарын ұрлап кеткен. Жәбірленушіге жалпы көлемі 1 млн 114 мың теңге көлемінде шығын келтірілген. Аталған дерекке қатысты ҚР ҚК-нің 188-бабының 3-бөлігі 3-тармағымен (Ұрлық) сотқа дейінгі тергеп-тексеру басталды. Полиция қызметкерлерімен бұрын сотты болған 30 жастағы қала тұрғыны анықталып, ұсталды. Күдікті өз кінәсін толық мойындап, оған қатысты «күзетпен ұстау» түріндегі бұлтартпау шарасы қолданылды. Тергеу әрекеттері жалғасуда.   Дереккөз: Жамбыл облысы Полиция департаментінің баспасөз қызметі