«АрселорМиттал Теміртау» АҚ-ға қарасты Костенко шахтасында болған оқиғаға байланысты Төтенше жағдайлар министрлігі мен Қарағанды ​​облысы төтенше жағдайлар департаменті ақпараттық-психологиялық қолдау көрсету үшін сенім телефондары іске қосылды: (8-7172) 70-41-08, (8-7212) 51- 72-23», - деп хабарлады Қарағанды облысы әкімдігі.   Алдын ала болжам бойынша, лавада газ метан жарылған. Оқиға орнында штаб құрылды. Костенко атындағы шахтада Қарағанды ​​облысының әкімі, «АрселорМиттал Теміртау» АҚ бас директоры, ҚР Бас прокурорының бірінші орынбасары, Қарағанды ​​облысының прокуроры, арнайы құқық қорғау органдарының қызметкерлері жүр.  Құтқарушылар әлі жұмыс істеп жатыр.