Мемлекеттік «Ақбұлақ» бағдарламасы аясында Қызылшаруа ауылының тұрғындары таза ауыз суға қол жеткізіп, қуанышқа кенелді. Жалпы сметалық құны 479 миллион 583 мың теңге болатын сыйымдылығы 600 текше метрлік (екі резервуары) су сақтайтын қоймасы, екі жерасты ұңғымасы мен су айдайтын насосты стансасы бар нысан пайдалануға берілді. Ауылға тартылған құбырдың ұзындығы 19,5 шақырым болады. Осы аралыққа қоныстанған 326 үйге 225 сервистік қызмет көрсететін құдықтар орнатылған.