Жамбыл облысының әкімі Ербол Қарашөкеев азаматтарды мәселелері бойынша жеке қабылдау өткізді. Тұрғындардың басым бөлігі жер, үй, жайылым және әлеуметтік мәселерді көтерді. Атап айтсақ, Жамбыл ауданы, Түрксіб ауылының тұрғыны Майя Айдарова ауыз-су, көгілдір отын және жер мәселесін көтеріп, ауылдықтардың өтінішін жеткізді. Ал Тараз қаласы, Құмшағал алқабынан келген Орынбасар Тоқбергенов алқаптағы кейбір мәселелерді айтып, облыс әкіміне шара қолдануын сұрады. Қабылдауға жазылған өзге де тұрғындар суармалы су, әлеуметтік нысан салу, абаттандыруға қатысты бірқатар мәселелерге назар аудартты. Ербол Қарашөкеев барлық өтініштер заң аясында жіті назарға алынатын баса айтып, олар бойынша тиісті жұмыстарды жүргізу үшін жауаптыларға нақты тапсырмалар жүктеді.

Жамбыл облысының баспасөз қызметі