Дипломды сатып алған маман

Мың доллар айлық ап шалқып жүр. Дипломды оқып алған маман Жұмыс таппай қаңғып жүр.

* * * Құбыр орнатты ауылға, Басшылар бастап жаппай бір. Бірнеше жыл болса да, Ауыз су әлі ақпай тұр.

* * * Баласы үйіне ішіп келіп, Көңіл-күйі түсіп келіп, Ағасын шапалақпен салып қалды, Оны көріп анасы талып қалды. О, бастағы босаң тәрбие, Осындайға алып барды.

* * * Жүргендер көп әнші боп, Аузы бар да даусы жоқ.

* * * – Сенің көкең қайда жүр? Деп сұрадым айқайлап. – Менің көкем әне, отыр, Арақ ішіп, карта ойнап.

* * * Әпшүкір кітап шығарды, Қаражат тауып бір күнде. Көрсетіп жүр онысын, Олай-бұлай жүргенде.

Көпіріп кеп мақтады, Шығып алып мінбеге. Парақтап ішін қарасаң, Қиқы-сиқы бірдеңе.