Тәртіп сақшысы – қауіпсіздік қалқаны. Өңірлік Қылмыстық-атқару жүйесі департаментіне бағынысты №26 мекемесінің жеке құрам қызметкерлері үшін сейсенбідегі жұмыс таңы бұрынғыдан өзгерек басталды. Олай дейтініміз, құқық қорғау қызметкерлерінің Ішкі істер органдарының имиджіне сай дайын болуы басты назарға алынды. Бұл күні тоқсандық жоспарға сәйкес, жеке құрам қызметкерлерінің арасында кризистік жағдайда жедел әрекет ету және олардың кез келген жағдайға дайындығын пысықтау мақсатында «Дабыл» белгісімен жинау барысы ұйымдастырылды. Сондай-ақ, аттестатталған қызметкерлердің дабыл чемодандары (тізім бойынша бекітілген заттар) мұқият тексерілді.