Өңірде «Қарасора» жедел алдын алу іс-шарасы шеңберінде жедел ақпаратты іске асыруда тәртіп сақшылары «Меркі-Шу-Бурылбайтал» көлік жолының 14-шақырымында «Volkswagen» маркалы автокөлігін тоқтатады. Тексеру кезінде көліктің артқы жүк салғыш бөлігінде Меркі ауданының 31 жастағы жолаушысына тиесілі есірткі заты салынған полиэтилен қапшық табылған. Сараптама қорытындысына сәйкес, тәркіленген зат жалпы салмағы 6 келі «кептірілген марихуана» есірткі құралы екені белгілі болған. Қазіргі уақытта осы дерекке қатысты Қылмыстық Кодекстің 296-бабы 4-бөлігі (аса ірі мөлшерде есірткі құралдарын заңсыз сақтау) бойынша сотқа дейінгі тергеп-тексеру амалдары басталды. Бұл баптың санкциясы 3 жылдан 7 жылға дейінгі мерзімге бас бостандығынан айыру түріндегі жазаны көздейді, – деді облыстық полиция департаментіне бағынысты есірткі қылмысына қарсы іс-қимыл басқармасының бастығы, полиция подполковнигі Әлім Бажықбаев. Айта кетейік, бүгінде ұсталған азамат кінәсін мойындап, Меркі ауданының уақытша ұстау изоляторына қамаққа алынған.