Жаңалықтар
Қазақстан Еуразия құрлығында басты аграрлық орталыққа айналу қажет
- author «Ақ жол»
- 6 қыркүйек, 2023
- 300
Қазақстан Еуразия құрлығында басты аграрлық орталыққа айналу қажет
Осындай стратегиялық мақсатты Мемлекет басшысы Қасым-Жомарт Кемелұлы Тоқаев Қазақстан халқына арнаған Жолдауында қойды. Шынында да, бүкіл әлем Қазақстанды аграрлық мемлекет ретінде танып біледі. Ресми мәліметтерге сүйенсек, Қазақстанның 100 миллион адамды азық-түлікпен қамтамасыз етуге мүмкіндіктері бар. Бірақ ол мүмкіндіктерді әлі де толық пайдаланбай отырмыз. Осыған байланысты Президент бірнеше нақты мақсаттар қойды:
– Біріншіден, сапалы азық-түлік өнімдерінің үлесін (ет, сүт, астық) алдағы 3 жылда 70 пайызға жеткізу. Ол үшін салық саясатын қайта қарастырып, өзгерту.
– Екіншіден, ауыл шаруашылығы саласында ірі компанияларды көбейту. Бұл жұмысқа халықаралық корпорацияларды тарту.
– Үшіншіден, отандық кәсіпорындарының (мысалы, Солтүстік Қазақстан облысындағы ірі сүт-тауар фермаларын салу тәжірибесі) жетістіктерін үлгі ретінде барлық аймақтарда пайдалану.
– Төртіншіден, «Ауыл аманаты» бағдарламасының аясында жеке қосалқы шаруашылықтарды біріктіру.
– Бесіншіден, ауыл шаруашылығы техникасының 80 пайызы тозған. Осыған байланысты жыл сайын оның 8-10 пайызын жаңарту қажет.
– Алтыншыдан, ауыл шаруашылығы жаңа технологияларға, инновациялық амал-тәсілдерге сүйену керек. Сондықтан аграрлық ғылымды дамыту, жоғары оқу орындарындағы білім беру бағдарламаларын ауыл шаруашылығының талаптарына бейімдеу – өзекті мәселе.
– Жетіншіден, егін шаруашылығында өзгерістер жасау керек:
Егіс түрлерін көбейту, көбірек пайда әкелетін дақылдарды егу, жаңа сұрыптарды шығару, диқандарды жергілікті сапалы тұқыммен қамтамасыз ету.
– Сегізіншіден, әлеуметтік маңызы бар ауыл шаруашылығы тауарларының бағасын тұрақтандыру.
Мысалы, Жамбыл облысының халқы бұл тауарлардың 19 түрімен былай қамтылған: 8 түрімен – 100 пайыз, 9 түрімен – 50 пайыз, күріш – 0 пайыз (Қызылорда облысынан алынады), қара құмық – 0 пайыз (Солтүстік Қазақстаннан алынады).
Баға мәселесін мемлекеттік органдар әкімшілік ресурстарды пайдаланып шеше алмайды. Оған көзіміз жетті. Бағаны тұрақтандыру тікелей азық-түлік келісімшарт корпорациясының құзырында болу керек.
Бір сөзбен айтқанда, ауыл шаруашылығын дамыту – біздің стратегиялық мақсатымыз. Қазір әлем халқы азық-түлік дағдарысын бастан кешіп жатқанда, Қазақстанның дамуы ауылдың жағдайына тікелей байланысты.
Махметғали САРЫБЕКОВ,
Шерхан Мұртаза атындағы Халықаралық Тараз инновациялық институтының вице-президенті.
Ұқсас жаңалықтар
АЭС – маңызды шешімдер кезеңі
- Бүгін, 13:00
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді