Таяуда Алматыда республикалық «Дарын» ғылыми-тәжірибелік орталығы өткізген VIII республикалық инновациялық-педагогикалық идеялар фестивалінен өңіріміздің 11 мұғалімі жүлдемен оралды. Еліміздің барлық өңірлерінен 282 үміткер қатысқан аламаннан осыншама ұстаздың топ жарып шығуы елеулі жетістік. Тараздағы №24 гимназияның химия пәнінің мұғалімі Елена Пак пен облыстық «Дарын» мектеп-интернатының ағылшын тілі пәнінің мұғалімі Сәуле Айдарбекова бірінші орынды иеленді.